Katekis

Heinz Schütte: Malgranda Ekumena Katekismo

... ke cxiuj estu unu ... stato de ekumeno sojle de la 3a jarmilo

IIIa parto - komunaj pregxoj - uzitaj mallongigoj pri fontoj

1. Ekumenaj pregxoj

La Patro Nia (kp Mat 6:9-13) Patro nia, kiu estas en la cxielo, sanktigata estu via nomo. Venu via regno. Farigxu via volo, kiel en la cxielo, tiel ankaux sur la tero. Nian panon cxiutagan donu al ni hodiaux kaj pardonu al ni niajn sxuldojn, kiel ankaux ni pardonas al niaj sxuldantoj. Kaj ne konduku nin en tenton, sed liberigu nin de la malbono. Cxar via estas la regno kaj la potenco kaj la gloro eterne. Amen. Lauxdo al la Tri-unua Dio Gloro al la Patro kaj al la Filo kaj al la Sankta Spirito. Kiel en la komenco, tiel nun kaj cxiam kaj en eterno. Amen. (traduko de la Ekumena Komisiono IKUE/KELI 1999) La Apostola Kredkonfeso Mi kredas je Dio, la Patro cxio-pova, la Kreinto de la cxielo kaj de la tero; Kaj je Jesuo Kristo, lia unu-nura Filo, nia Sinjoro; koncipita per la Sankta Spirito, naskita el Maria la virgulino, suferinta sub Poncio Pilato, krucumita, mortinta kaj entombigita, sobirinta al la infero. La trian tagon li relevigxis el la mortintoj, supren-iris al la cxielo, sidas dekstre de Dio, la Patro cxio-pova, de kiel Li venos, por jugxi la vivantojn kaj la mortintojn. Mi kredas je la Sankta Spirito, la sankta katolika Eklezio, la komuno de la sanktuloj, la pardono de la pekoj, la relevigxo de la mortintoj kaj la vivo eterna. Amen. (traduko de la Ekumena Komisiono IKUE/KELI 1999)

Nunc dimittis - La kanto de Simeono (Luk 2:2932)

Magnificat - La kanto de Maria (Luk 1:45-55)

La Psalmaro.

2. Ekumenaj himnoj kaj kantoj

"Duoble pregxas kiu kantas" diras proverbo. "Kion ili ne kantas, tion ili ne kredas" (Martin Luther). La ekumena komuneco forte montrigxas en la komuna kantado. La plimulton el la himnoj de la nova "ADORU" povas kunkanti cxiuj kristanoj. Sed intence aperas ankaux tekstoj propraj al nur unu konfesio. Ekumeno devas havi ankaux tiun aspekton konatigxi kun eroj fremdaj al la propra tradicio, ne nepre por aprobi aux transpreni, sed certe por respekti.

Kristana Liturgio

Pregxante la eklezio esprimas sian kredon. Liturgio igas aktuala la savan agon de Dio unufoje por cxiam faritan en Jesuo Kristo; liturgio estas "auxtorizita proklamo de la morto kaj relevigxo de la Sinjoro" (Kardinalo Joseph Ratzinger). La respondo de la eklezio nomigxas euxkaristio, dankado.

"Per Kristo, kun Kristo kaj en Kristo,
al Vi, Dio, Patro cxiopova,
en unueco kun la Sankta Spirito,
estu cxiu honoro kaj gloro eterne.
Amen."

Uzitaj mallongigoj pri fontoj

Apol Defendo de la Auxgsburga Konfesio
CA   Auxgsburga Konfesio 1530 (cxefa kredo-dokumento de Luteranaj eklezioj).
DBK-EKD Komunaj deklaroj de Germana Episkopa Konferenco kaj de Evangelia Eklezio en Germanio:
- Fundamentaj valoroj kaj ordonoj de Dio. 1979
- Jes por la geedzeco. 1981
- Festi la dimancxon. 1984
- Respondeco antaux la kreo. 1985
- Respondeco por la dimancxo. 1988
- Dio estas amiko de la vivo. 1989
- Por estonteco en solidaro kaj justeco. 1997
DH   Deklaro de la 2a Vatikana Koncilio pri libereco de religio
EKKat Evangelia Katekismo por Plenkreskuloj. 5a eld. 1989
EG    Evang. Gesangbuch (Evangelia Himnaro)
GL Gotteslob (Katolika Himnaro kaj pregxlibro)
GuF Glaube und Frömmigkeit (Kredo kaj pieco). 1986
KEKat Katolika Katekismo por Plenkreskuloj. I 1985; II 1995
KigV Kirchen in gemeinsamer Verantwortung (Eklezoj kun komuna respondeco) 1982
KKK Katekismo de la Katolika Eklezio. 1993
L-RK Komisiono Luterana/Rom-Katolika (de la Komuna Dialogo tutmonda)
LG   Konstitucio pri la Eklezio (Dua Vatikana Koncilio)
UG   Unser Glaube (Nia kredo. La konfesiaj dokumentoj de la Evanglia-Luterana Eklezio, 3a eldl 1991)
UR   Dekreto pri Ekumenismo (Dua Vatikana Koncilio)
AK   Adoru Kantante. Oficiala himnaro de KELI, 1971.
ADORU Ekumena Diserva Libro de IKUE kaj KELI, aperonta en 2000.
TK   Tero kaj Cxielo Kantu. I-X. Kristanaj himnoj kaj kantoj
La librojn de la Biblio ni citas per la tri-literaj sigloj uzataj ankaux en la Meslibro kaj ties Legajxaro (Gen = Genezo; Eli = Eliro <Exodus> ktp.; Mat = Mateo; Mar = Marko ktp.)

Fino de la libro

Returne al la enhavo-tabelo de Malgranda Ekumena Katekismo

zur ersten Seite "Esperanto" / al la Esperanta komenco-pagxo

zur Hauptseite / al la cxef-pagxo